GEGURITAN LAN NEMBANG BEBARENGAN ING RRI PRO 4 SEMARANG
Rebo,1 Mei 2024, minangka mengeti dino Pendidikan Nasional lan Dino Buruh Nasional, SD Marsudirini Santo Antonius 02 diwenehi wektu kanggo siaran langsung ana RRI Pro 4 ing 88.2 FM . RRI PRO 4 Semarang, yaiku stasiun radio budaya lokal kutha Semarang propinsi Jawa Tengah( Indonesia ) lan klebu ana ing LPP Radio Republik Indonesia ( RRI ). Channel iki klebu pusat kabudayan , ing kene asring diputerake tembang – tembang Jawa , uga Geguritan kang aran adicarane “ Omah Gurit “ lan program liyane sing ngemu kabudayan Jawa.
Ing kalodhangan iki,SD Santo Antonius 02 diparingi wektu kanggo ngisi siaran , ngetokake geguritan lan nembang. Sing kadhapuk nggurit Nathanael Christo Bima Putra ( kelas 5A ) , sing kadhapuk nembang Elisabeth Adena Gavrilla Filia ( kelas 1A ) karo Nadine Jaya Putri Adi ( kelas 6C). Ora keri karo bocah – bocahe ,Bapak Ibu gurune seko pawiyatan Santo Antonius 02 uga nggurit. Penyiar kang pinter tuwin sarwa bisa yaiku, Mas Titis, Ibu Christin lan Bapa Imam sesepuh ing Omah Gurit , mbagekake tekane keluwarga ageng SD St Antonius 02 kanthi bungahing ati.
Siaran kaleksanan tabuh 20.00 . Pambuka siaran dening Bu Christine lan Mas Titis, diteruske Crito bareng Ibu Yasinta Jumirah, Kepala sekolah SD Santo Antonius 02, babagan bocah -bocah ngisi siaran ing wengi iku uga prestasi sekolah liyane. Sakwise kuwi Christo nggurit, seko Kitab Jabur 23: 1-6 Mazmur anggitane Prabu Dawud. Christo bocah kang pinter maca geguritan nate juara 1 gurit Se – kota Semarang rikala 7 September 2023. Anggone gurit apik tenan bisa nuwuhake rasa kang jero ing ati kanggo sapa wae sing mireng. Sabubare kuwi diselingi nembang “ Pangon Utama “ sing ditembangake dene Adena lan Nadin , Ibu Maria Wahyuningtyas salah sawijining guru SD St Antonius 02 ngasto keyboard, ndadekake regenge siaran mau. Sanajan gladhene mung sedhela nanging bocah – bocah bisa nembang kanthi apik. Kuwi kabeh awit Pak Kiman sing kanthi sabar lan semangat anggone nyiapake.
Bapak Ibu guru uga ora keri karo bocah – bocah.Ibu Yasinta maos geruritan irah – irahane “ Simbok “, isine nyritakake gedhene pangorbanane Simbok utawa Ibu kanggo putra – putrine kang kinasih. Ibu iku guru ing ngomah kang ora ana tandhinge, amerga pawiyatan kapisan ana ing keluwarga. Ibu Yasinta maos geguritan anggitane dhewe. Dene Pak Kiman Maos geguritan kanthi irah – irahan “ KatresnanMu “anggitane Ibu Yasinta. Nyritakake katresnane gusti guru utama marang umat manungsa. Pungkasaning adicara ditutup geguritan “ Kutha Semarang “ diwaos Ibu Christine lan tembang Pocung dening Mas Titis .
Kabeh adicara ing wengi iku klakon kanthi runtut, lancar, gembyeng uga nyenengake . Ora isa tak gambarake bungahe bocah – bocah aweh pengalaman kapisan sarta ilmu babagan kabudhayan Jawa seka Ibu Christin, Mas Titis, tuwin Eyang Imam. Matur nuwun sanget.
RRI Pro 4 – 88.2 FM pancen jempol
Panulis:
Maria Wahyuningtyas, S.Pd